Jannuary, 1,2013-- Prezidan James Michel, Komandan An Sef Lafors Defans Sesel,  in swet en bon lannen 2013 avek tou bann manm Lafors Defans Sesel, pandan son vizit tradisyonel k’in fer bomaten kot kan L’Exile, Lakademi Ladefans ek Gard Lakot Sesel. Prezidan ti akompanye par Sef Lafors Defans Sesel, Brigadye Leopold Payet e Sef Deta Mazor, Clifford Roseline.

« Mersi pour zot lwayote, disiplin, travay dir ek profesyonalizm. Mon apresye en kantite tou sa travay dir ki zot pe fer, sirtout pour defann souvrente Sesel kont latak pirat, e pour asir stabilite Losean Endyen. Mon oule ankouraz zot pour fer ankor pli byen dan lannen 2013, ki zot devlop zot kapasite e zot talan, e fer nou ankor pli fyer, » Prezidan in dir.

Pandan son bann diferan rankont avek bann solda ek zofisye SPDF, Prezidan Michel in felisit SPDF pour zot lakomplisman pendan lannen 2012 e in remarke ki sa lafors pe grandir e vin pli profesyonel, avek bokou plis formasyon ek nouvo rekrit.

«  Nou annan en lafors militer ki fer lafyerte nasyon Seselwa e ki respekte par lakominote enternasyonal. Mon vreman fyer zot devouman ek patriotizm, e lanasyon  antye i apresye sa ki zot pe fer pour defann nou teritwar, lo lanmer ek lo later. Zot annan en responsabilite spesyal pour gard zot dispilin e evit bann tantasyon drog ek lezot move kontportman. Mon swete ki zot reste lo sa bon semen ki zot ti’n komanse. Fodre ki zot develop ankor plis en sans disiplin ek kouraz pour kapab defan zot pei et travay ankor pli dir lannen prosen.»

Ler i ti kot Gard Lakot Sesel, Prezidan Michel in prezant promosyon kadet Warren Andre pour vin Sekond Lyetnan. Myse Michel in koz avek diferan group militer, e partaz en moman avek zot, ki zot ti apresye en kantite.