24 December 2025 | State House.
Ser Frer pep Seselwa
I avek bokou lazwa ek limilite ki mon adres zot sa mesaz pour sa lafet Nwel. Dan sa letan kot lalimyer pe iliminen partou lo nou zoli pti zil, mon fanmiy i zwenn ansanm avek mwan pou partaz sa moman spesyal avek zot tou.
Lafet nwel i en letan ki rapel nou lape, lespwar e par lao tou, lanmour. Bann valer ki form la baz nou lavi koman en pep e koman en nasyon.
Nwel I plis ki zis en dat lo kalandriye. I en moman kot nou selebre konpasyon, liminilte ek lapartaz. I en letan kot nou pran en poz, get o dela tou nou bann difikilte toulezour, met nou diferans dekote e zwenn an fanmir. Rasanbleman, lapartaz ek lanmour I vre lespri Nwel. Souvan I pa gro keksoz ki konte, me keksoz senp; en bon zefor, en bon panse, en zoli zes; ki fer tou diferans.
Sa sezon I osi en loportinite pou nou ranforsi bann lyen ki ini nou, avek nou fanmiy, nou zanmi, dan nou kominote e konman en nasyon. Nwel I osi en moman kot nou mazinn avek bokou senserite tou bann ki pa pour kapab pas sa Nwel avek zot fanmiy, bann kin perdi en dimoun pros, bann ki lwen avek zot lakour e bann ki bezwen travay pandan sa letan festivite.
Annou alors kontinyen enkilke dan nou zanfan bann bon valer, annou favoriz konpayon ek respe, annou fer si ki lanmour i rennyen dan leker sakenn de nou.
Mon swet zot tou en lafet Nwel beni, ranpli ek lape, Lasante ek lazwa, pour zot ek zot fanmiy.
Ki bondye I kontinyen beni nou pei, ozordi e pour touzour.
Zwaye Noel zot tou.
We wish you a merry Christmas
